Sálfræðiþjónusta

Viðtölin standa félagsmönnum Sjálfsbjargar til boða. Til að gerast félagsmaður er hægt að hafa samband við eitt af aðildarfélögum Sjálfsbjargar sem eru staðsett víða á Íslandi. Upplýsingar um aðildarfélögin er að finn hér

Viðtölin fara fram á Samskiptastöðinni

Alda Dís Arnardóttir sálfræðingur

Alda hefur reynslu af því að veita meðferð við þunglyndi, kvíða, áfallastreitu, lágu sjálfsmati, áfengisvanda og sálrænni vanlíðan í kjölfar líkamlegra veikinda. Auk þess hefur Alda reynslu af sálrænum stuðningi við aðstandendur einstaklinga með heilabilun.

Alda Dís útskrifaðist með BA í sálfræði frá Háskólanum í Reykjavík 2021 og MSc gráðu í klínískri sálfræði frá Háskólanum í Reykjavík árið 2024, hún fékk starfsleyfi sálfræðings sama ár. Alda leggur áherslu á hugræna atferlismeðferð (HAM) í sinni meðferð sem sálfræðingur. Í námi sínu öðlaðist hún fjölbreytta reynslu undir handleiðslu reyndra sálfræðinga og sótti starfsnám hjá Reykjavíkurborg, Reykjalundi og Áfallateymi Landspítala. Hún fékk handleiðslu í kennslu námskeiðsins ,,Foreldramiðað HAM” hjá Austurmiðstöð Reykjavíkurborgar sem er námskeið fyrir foreldra barna á aldrinum 5-12 ára sem sýna einkenni kvíða. Í meistararannsókn sinni rannsakaði Alda upplifun þolenda kynferðisofbeldis af því að opna sig um ofbeldið á samfélagsmiðlum. Þá skoðaði hún m.a. hvað leiddi til ákvörðunarinnar að segja frá með þeim hætti og hvaða afleiðingar sú ákvörðun hafði fyrir þolendur.

Samhliða starfi á Samskiptastöðinni starfar Alda í sálfræðiþjónustu vefrænna deilda Landspítala á Landakoti þar sem hún veitir m.a.

einstaklingum með heilabilunarsjúkdóma og aðstandendum þeirra sálfræðiaðstoð.

Alda hefur auk þess mikinn áhuga á heilsu og velferð barna og er jafnframt kórstjóri Barnakóra Guðríðarkirkju.

Elín Broddadóttir sálfræðingur

Elín útskrifaðist með BS í sálfræði frá Háskóla Íslands árið 2016, MSc gráðu í klínískri sálfræði frá Háskólanum í Reykjavík árið 2024 og hlaut í kjölfarið starfsréttindi sem klínískur sálfræðingur. Elín leggur áherslu á hugræna atferlismeðferð (HAM) og sinnir málum á borð við kvíða, þunglyndi, þrálát líkamleg einkenni, lágt sjálfsmat og áföll ásamt öðrum tilfinningalegum vanda. Í námi sínu öðlaðist hún fjölbreytta reynslu á greiningar- og meðferðarvinnu bæði með unglingum og fullorðnum. Hún var í starfsnámi hjá Heilsugæslu höfuðborgarsvæðisins, Geðheilsumiðstöð barna og geðrofs- og samfélagsgeðteymi Landspítala.

Meistaraverkefni hennar fól í sér að árangursmeta hugræna atferlismeðferð í hóp við þrálátum líkamlegum einkennum og starfar hún enn við rannsóknir samhliða starfi sínu hjá Samskiptastöðinni. Undanfarin ár hefur Elín starfað við rannsóknir en hún hefur einnig lokið meistaranámi á félagsvísindasviði með áherslu á lýðheilsu og hnattræna heilsu. Elín hefur mikinn áhuga á heilsu og velferð barna og starfaði lengi í æskulýðsstarfi með börnum og unglingum á öllum aldri.