Opinn fundur með frambjóðendum til Alþingis í dag.

Hvað ætla stjórnmálaflokkarnir að gera fyrir fatlað fólk? Hvernig ætla þeir að tryggja full mannréttindi hér á landi?

Þessum spurningum og fleirum verður svarað á opnum fundi ÖBÍ réttindasamtaka með frambjóðendum til Alþingis í dag, 5. nóvember kl. 15-17 á Grand hóteli í Reykjavík.

Fundurinn er táknmáls- og rittúlkaður. Gott aðgengi fyrir hjólastóla er á staðnum. Fundarstjóri er Helgi Seljan.

Fundinum verður einnig streymt á vefsíðu ÖBÍ - réttindasamtaka. Við hvetjum sem flesta til að fylgjast með.